سولتۇستىكقازاقستاندىق ارۋ حالىقارالىق سۇلۋلىق بايقاۋىنا قاتىسادى

سولاردىڭ ءبىرى – پەتروپاۆلدىق داريا بوريسكو “Miss Global Beauty Queen 2019” بايقاۋىنا قاتىسۋ قۇقىعىن ينستاگرام ارقىلى جەڭىپ العان. ايتۋىنشا, وتىنىشپەن قوسا فوتوسۋرەتتەرىن جولداپ, ۇيىمداستىرۋشىلار تالابىنان شىققان كورىنەدى. قازىر ول جاتتىعۋ زالىنا بارۋدى جيىلەتىپ, ناعىز بابىنا ەنگەن.

«اپتاسىنا 3 رەت جاتتىعامىن. كارديوعا, ديەتاعا كوپ كوڭىل ءبولىپ ءجۇرمىن. 3 اپتانىڭ ىشىندە 5 كەلىگە جۋىق سالماق جوعالتتىم» دەيدى داريا.

جاتتىعۋ زالىنان شىققاننان كەيىن بويجەتكەن “توميريس” ءسان زالىنا جول تارتادى. مۇندا ول كۇندەلىكتى دەفيلە كورسەتۋگە, ساحنادا ءوزىن دۇرىس ۇستاۋعا ماشىقتانادى.

كونكۋرس بارىسىندا ۇزدىك ۇلتتىق كوستيۋمدەر دە جۇرتشىلىق نازارىنا ۇسىنىلادى ەكەن. بۇل كەزەڭگە دە داريا ۇلكەن جاۋاپكەرشىلىكپەن ازىرلەنۋدە.

تورتكۇل دۇنيەنىڭ ءار بۇرىشىنان جينالعان ارۋلار شەبەرلىك ساعاتتارى مەن تەلەۆيزيالىق شوۋلارعا قاتىسادى. جەرگىلىكتى جۇلدىزدارمەن تانىسىپ, كورىكتى جەرلەردى ارالايدى.

سولتۇستىك قازاقستان وبلىسى